RamontadaToRamonGoHome: Arsenal Scatter Real Madrid Yansh, Carry 5-1 Aggregate Enter UCL Semi-Final

By Damilare Kayode

April 16, 2025 at 9:21 pm

0 Comments

Arsenal don cut Real Madrid down to size as dem knack dem 2-1 for Santiago Bernabeu, come carry 5-1 for overall score take enter Champions League semi-final for di first time in 16 years.

Di win wey Mikel Arteta boys gather mean say dem go face Paris Saint-Germain for di next round.

Bukayo Saka first miss penalty early but e still come open scoring for second half. Vinicius Junior quick reply for Madrid, but Gabriel Martinelli nack one late goal wey seal di win for Arsenal as dem end Real Madrid title dream sharp-sharp.