Oliver Kahn Still Get Personal beef With Me – JJ Okocha

Facebooktwittergoogle_pluspinterestlinkedinmail

Nigerian Footbal legend, JJ Okocha, don disclose say, di former German Goal Keeper, Oliver Kahn, still dey beef am badly for di way e take turn am to cripple for one of dia match over 23yrs ago

Nah for one media interactive session wey dem call Bundesliga Legend Tour with Jay-Jay Okocha wey Pay Television Company, StarTimes and DeutsheFussballLiga organise

Di game wey JJ Okocha take turn Oliver Kahn to cripple nah between Karlsruhe and Eintracht Franfurt wey Okocha play for and na Bundesliga game for 1993

Okocha turn Oliver Kahn to small pikin wey dey crip for ground, use 3-4 of Oliver Kahn defenders take do catch me if you can for inside Oliver Kahn box 18 before e score di goal

Okocha tell media pipo for di interactive session, say Oliver Kahn keep am for belle all dis while, becos of wetin e do am 23yrs ago for football pitch, say Kahn nor like am, say Kahn take di thing personal.

Okocha say, e just dey do e job dat day, say nah wetin e like to dey do best bi dat. Say nor bi e plan to turn Kahn to small pikin wey dey crip, say e just happen say na Kahn use e head carry everything.

But e dey happy and dey grateful to God say, at least dem use one thing take remember am for Germany

Comments

comments

Facebooktwittergoogle_pluspinterestlinkedinmail

Comments

comments

Leave a Reply