Nigerians don finally crown President Buhari as di godfather of Oluwole based on di WAEC attestation certificate wey WAEC give am last Friday
Nigerians say, from di attestation certificate wey WAEC give President Buhari, e clear say President Buhari nor write any WASC exam or Cambridge exam becos Cambridge don talk since say, dem nor get any record for President Buhari and WAEC nor see any original certificate number and President Buhari exam number put for di attestation certificate
9jareporters don go thru all di available records wey dey di public domain and dey knack chest say President Buhari nor get any WAEC, WASC or Cambridge result/certificate
Di only thing President Buhari get na di recommendation letter e secondary principal give am take join Nigeria Army
9jareporters don check di result di Katsina Secondary School release for 2015 and di one WAEC give President Buhari last friday for Aso Rock. For di 2015 result, President Buhari get C for History while for di 2018 result, Buhari get A for di same History
Di way di mata bi naa, WAEC need to do serious explanation how dem take get result without di candidate exam number and certificate number. Join dat one too, Presidency say nobody send WAEC message becos President Buhari nor apply for any result from WAEC. But WAEC dey say, na President Buhari apply for am. Two fighting!
Nigerians don tell President Buhari say if e get mind make e try go submit dat result to INEC. Dem still tell WAEC say as dem nor know demsef again say dem bi professonal and independent body, dis home dleivery service dem don start, make dem ready for plenty home delivery service as dem don forget say nobody is above di law.
Meanwhile, Nigerians dey call on all di appropriate institution make dem investigate President Buhari for perjury and forgery becos e go swear oath say e nor get e certificate wen e know say e fit collect attestation from WAEC or statement of Result from Cambridge within 28days whichever one e wan pursue.
We don attached all di different result/certificate for everybody to see and while Nigerians don crown President Buhari as di godfather of Oluwole