President Donald Trump don do wetin no President fit do for the past three decades. E don bring about the end of the Korean War without any gunshot or missile.
E don dey tell the American people and the world say e be stable genius, but the mainstream media and some Americans, especially d democrats, nor dey believe wetin e dey talk. Even when e dey fulfil e campaign promise one by one.
In a tough and toxic political atmosphere na e dey achieve all these things, e nor send, e just dey do wetin e feel say dey best for the American people.
Shame nor fit let the mainstream media wey dey fight am, report all the success wey e don dey record so far and dis na just e first year for office. Instead, na ashawo matter dem carry for head
E just be like film trick for most people eyes say e fit bring about the end of the Korean War.
This na the first time both South and North Korean Leaders dey come together, shake hands, meet each other for their border and sign agreements to end all the bad belly and bad blood.
Donald Trump and North Korea Leader go still meet each other before August for a one to one meeting.
For e personal twitter handle, e thank President Xi of China for the role e play to make dis peace move possible.