Las Las, Everybody Don See Say Russia Nor be Bad Country – President Putin

Facebooktwittergoogle_pluspinterestlinkedinmail

President Putin don use di football world cup wey dey go on for Russia don let every know say, Russia nor be di way all dis Western media dey paint dem

Wen e dey talk to di FIFA President, naim e for make d statement

President Putin say, so many pipo from different part of di world na come Russia for di world cup. E say na dis pipo dey even dey make d world cup dey lively and turn am to party things for Russia

And dis pipo see say, d place free well well, cos nobody dey bother dem, even wen dem dey freestyle. Di pipo say Russians reciv dem well

Even Russians dey happy to see dem for dia country, both di ones wey nor like football and di ones wey like football, dey happy together

All di football fans wey come Russia for di world cup from different part of di world, confirm say Russia pipo na correct pipo

Al di citizen journalists wey dey report wetin dem see and witness for social media even confirm say Russia na sweet country. Most of dem don even dey post dia experience for twitter and facebook. Unlike those big Western Media organisations wey dey sabi put fear for pipo body say, Russia na bad place

President Putin say, e dey happy say all di pipo wey come Russia for di world cup, see with dia crow crow eyes say, nor be as those Western Media dey paint Russia, na e be. E say dem see say, Russia na friendly country and e come use d opportunity to thank Russia Football Fans.

Comments

comments

Facebooktwittergoogle_pluspinterestlinkedinmail

Comments

comments

Leave a Reply