JUST IN: UK Labour Deputy Leader Angela Rayner Resigns After £40k Stamp Duty Wahala Scatter Party

Na serious gbege don land for UK Labour Party as their Deputy Leader, Angela Rayner, don finally step down from office after e burst say she no pay close to £40,000 stamp duty tax on one property matter.

Rayner, wey be 45 years old mama of three, talk say she “believe say she dey follow the rules” but later admit say she make mistake as she underpay the tax on top her £800,000 flat. She yarn BBC say the whole palava start from “complex living arrangements” after her divorce and the wahala of raising pikin with special educational needs.

For over one year, her finances don dey hot for media speculation. But this week, Rayner refer herself to the Prime Minister ethics adviser, confirm say the £40k really choke.

E shock Labour people because Rayner no be small fish. Apart from being Deputy Leader, she still dey serve as Housing Secretary, a key position ahead of UK next general election. Na why her resignation na heavy blow to Labour Leader Keir Starmer, wey plenty grassroots and left-wing members dey already see Rayner as the balance to Starmer’s centrist style.

Rayner even try defend herself before, claim say lawyers advise her say she no suppose pay second home stamp duty on her Hove flat. But after Sky News and other reports dig deep, another legal counsel talk say the flat no qualify as second home. Na so the £40k wahala scatter everything.

Her statement read: “It was never my intention to do anything other than pay the right amount.”

ATTENTION: Follow 9jaReporters on Instagram for a chance to win ₦100,000 in our Top Fans Challenge!

JOIN NOW to participate and stand a chance to win exclusive prize ons, free airtime, and exciting gifts!

FOLLOW US TODAY! DON’T MISS OUT!

Now, with Rayner waka comot, Labour don lose one of their most powerful voices at a critical moment. This move fit weaken Starmer’s hold on the party and even ginger fresh power tussle inside Labour.