Pastor Adeboye dey address some of e senior Pastors for e church to pass the message to dia members wen e make the statement, e nor fit bear the pains of loosing e many millions and investments. So e don come out openly to threaten e members and others say who nor pay e tithe, make e nor bother reason say e go go heaven. As if na him build the Heaven
Even Jesus Christ wey get direct and express contact with God, even dey with God right now for heaven as we speak, nor teach pipo or threaten pipo with paying of tithe.
Whether Pastor Adeboye don dey see himself say e big pass Jesus Christ, we nor come know. Becos Jesus Christ promised one of the Omila (thief) wey dem crucify am with, say e go dey Heaven with am. That na Omila (thief) wey nor reason tithe matter at all for e life.
Wetin most of all dis Pastors don use pipo eye see for the town, infact, person no go fit shout.
Na so recently, Pastor Benny Hinn, come out apologise to e members say, e nor do well with the way e preach about prosperity. Say e mislead people
Even recently too, Pope Francis still talk e own say Hell Fire nor dey exist. Say any sinner wey die, e soul go just disappear.
Meanwhile, be like say, dis Daddy Freeze message about tithe don dey open pipo eyes and pipo like dem Pastor Adeboye don dey see say dia tithe collection dey drop drastically that na why e come out come dey threaten e members and others.