Di PDP Vice Presidential Candidate for di 2019 election wey dey come, Peter Obi, don let Nigerians know wetin dem go expect from am.
Nah during e interview with Arise Televison News, e for give some expo to Nigerians wen journalist dey ask am some kwesion
Peter Obi wey bi di former Governor for Anambra State for 8yrs, say, wen e bi governor, e nor owe any worker or pensioner salary and e make sure say e pay all contractors during e 8yrs tenure
Obi, say dis nah period, wen even some State dey struggle to pay dia workers dia full salary, while some nor fit pay salary
Obi, still make Nigerians know say, wen e comot for office after e 8yrs as Governor of Anambra State, e leave plenty cash for di new Governor wey take over from am
E say e leave di following amount of money for di State account with 3 different Banks:
- Fidelity Bank, e say nah $56m and N12B
- Access Bank, nah $50m and N12B
- Diamond Bank, $56m and N12B
Obi say, all dis Bank nor bi foreign Bank or Bank wey nor dey exist. E say all di Bank dey Nigeria here, say anybody wey nor beliv am, make e go find out becos Anambra pipo know everything
Peter Obi say, e nor be like President Buhari wey bi say na so so mouth e dey make and like to dey give wayo promise.
E say e own na talk na do! E say, e go help Atiku Abubakar cut waste and reduce government spending and make sure say no federal government official go fly first class and go abroad for medical check up like President Buhari