Editorial – The Stage Don Set For A Generational Shift

Facebooktwittergoogle_pluspinterestlinkedinmail

 

9jareporters wan put am on record say na dem be the first media organisation wey go dey report news with Pidgin English. So that tomorrow when one person dey write history, lie no go dey just like dem write say na Mungo Park discover River Niger

Whether we like am or not, awareness don increase well well. Just like dem talk for Bible towards the last days, say knowledge go increase. People don dey receive sense but plenty people too, still dey walka on top their sense.

We don too copy things. The copy copy don do! So tey we abandon our own language wey identify us as a unique people. Come go dey adopt a foreign language. Not only that, we come even make am compulsory. Instead of us, to make our own Pidgin English competitive among other foreign language, only we use our hand dey destroy our identity. E don do! Make this mumu thing stop! Even our local dialects wey we need to promote in our educational system, we ban am! Dem real do us well well. But be like say we don dey see beyond, small small. Our eyes don dey open.

As different agitation dey go on for different places with different people and groups, we say make we add this one join the list. Our Pidgin English must see the light of the day and take e original place in our national values and identity as a nation and as a people. To also compete with other language. Time to wake up!

Na language wey every Nigerian dey understand and relate to. If Oyibo man nor understand am, dem go learn am or get an interpreter. Na language wey we suppose export just like dem export their own give us make we learn. D way dem don use their own make plenty bar (money) for our head, we go still use our own make plenty bar(money) for their head too.

Pidgin English na our national pride, our national identity, na language wey bind all Nigerians together.

Comments

comments

Facebooktwittergoogle_pluspinterestlinkedinmail

Comments

comments

Leave a Reply