President Buhari wey use integrity take campaign just make a whole N1.2B enter voicemail just like dat. Dem nor even arrest anybody for di wayo packaging and pipo don lick mouth for di N1.2B
Wey Nigerians dey tell Buhari administration say dis Nigeria Air mata na job, Buhari administration dey say nothing like dat, say di Nigeria Air go start operation for December dis year and Nigerians go confirm am and benefit from am.
Dat time, Buhari administration just flash Airline logo, banner and cartoon picture of aeroplane to Nigerians, say Nigeria go start e own Airline business for December dis year
And di money wey dem spend for di logo, banner and cartoon picture of di aeroplane na N1.2B
Di things dem spend di N1.2B na wetin dem go use N50K take do for Nigeria. Naim Buhari govment dey say na N1.2B dem spend.
As e bi nah, wetin dem spend di N1.2B nor get head again, as di govment say, nothing like Nigeria Air again. Say di package nor get head
Nigerians dey provoke with Buhari badly becos dem warn am for dis package say na job. Dem say make only Buhari just jejeje carry imsef go Daura after e finish e tenure. Say make e nor dey reason 2019 at all
Nigerians don still let am know say make e nor run go China go borrow anoda money again o, becos dem say, na so abacha loot enter voicemail, di next day, e run go China go borrow almost di same amount of Abacha loot wey e put for voicemail