Anthony Joshua: Na Me Be The Unified Heavy Weight Boxing Champion of the World
Anthony Joshua make sure say e nor give Joseph Parker any hope or chance for the fight. AJ compose himself with enough discipline. He make sure say story nor dey say na this mistake e do to deny am his win.
Like e talk before the fight, e say e go be tactical battle and na so e be. This na the first time for e career wey e win a fight by unanimous decision based on points. Everybody been dey expect a knockout as usual. But e dey happy say anyhow, e confirm the business for the night.
He just remain one championship Belt for am to collect to make am the World Undisputed Boxing Champion and that Belt dey with Deontay Wilder for America.
E don tell Deontay Wilder say make e stop to dey knack teeth and make e come UK come fight am if e mean business cos e say na so so mouth Deontay Wilder dey make
At the moment, AJ dey with the WBO, WBA & IBF championship Belts. Na just for am to add the WBC wey dey with Wilder
Meanwhile, Joseph Parker agree say e lost to a champion wey better pass am. E say e go bounce back
AJ Promoter, Eddy Hearn, don send message to Deontay Wilder say if e wise, e need to come UK come fight AJ. E say people wey dey watch Deontay Wilder fights for America nor dey pass 6000 audience but AJ dey pull like 80,000 audience to come watch e fight.